ZEROTINUS Carolus

ZEROTINUS Carolus

Iohannis filius, Baro, Moraviae Pro-Marchio, Heros insignis, ad carceres usque et bonorum confiscationem, quae sub Friderico Bohemiae Rege ei obvenit, fidus Imperatori Ferdinando II. nihilominus Pastores dimittere, templaque occludere cum aliis iussus est. Qua de re Viennam profectus, cum nihil ab Imperatore impetrare posset, dicente: Se Praedicantes ferre non posse, intrepide respondit, Neque se sacrô Dei cultu carere posse, neque hunc absque Verbi Ministris peragi. Inde discedens non solum aulae suae Ecclesiasten Paulum Hronovium palam, sed et plures alios clam, ut pius Abdias, in specubus suis pane et aquâ sustentavit, ad sacra veniendi facultate omnibus concessâ. Tandem exiliô generali Eugngelicis impositô, Vratislaviae in Silesia fixâ sede, obiit A. C. 1636. septuagenariô maior, Przeroviae in Moravia. Laetus. Comp. Hist. Univ.